初試蹄聲暴走登別之游下溫泉水
繼上次去完小樽鳩嗚及影寫真後，我地去到下一站登別。
住返兩日一夜溫泉旅館歎下梳乎下，而為了更像真地帶出在我地只做了1成功課都揀到並霸到間正斗的溫泉旅館的這種興奮mode，我決定為阿陳送給我的生日禮物GOPRO，阿PRO兄開光，用佢來紀錄下我們最真實的一面，當係儲埋儲埋第時結婚播都好呀大佬，慳返好多請人剪片的錢架陰公豬(FF MODE中)。
入返正題先，間野叫玉乃湯，就係龍頭大佬第一滝本館的細佬，因大佬長期爆，加上好貴，所以就book左細佬啦，再入正題啦，錢方面都係好優惠，一晚加晚餐加早餐盛惠HKD2500，請注意係兩個人加埋！抵到震撼啊親，再睇埋個晚餐，真係正到朋友也羨慕妒忌恨！由前菜開始無停過手，片中的刺身已被食一半，請恕阿陳變自私撚掛住食唔記得影，燒物除了燒豬，牛，雞外，仲有蟹，蝦，每人任揀3款，片中的毛蟹腳也是每人有3隻喔，請問是蟹太多不用錢嗎？怎麼可那麼慷慨？
關於溫泉，除了男女分開的溫泉外，也有私人家族風呂，但要記得預訂好喔，有一小時讓你和情人慢慢爽，哈哈，費用是 2700YEN，也就是大約200大元也不用啦，超值的好不好！
每早上9點也有獨家的年糕製作，可試一下傳統的樁年糕，是無料的喔。
交通方面，從機場出發只消一個鐘，但直通巴士一日得一架，仲要係9點幾倒塔咁早，入到去都未有得check-in，唔想咁早入去可於機場搭道南BUS，到登別門口落車轉架類似溫泉shuttle bus的物體都係好方便，直落旅館門口，傻豬都識的，不用太擔心。
Search